Purtroppu ntisi dira già a chiddhu cchi ava ‘a capu bitumata e, cchi avìa fattu i promessi, ca ‘a situaziona non è tantu allegra e ca n’avìmu d’aspettara nc’una azione impopolare… Si dìcia accussì in italianu quandu ti stannu ppe’ mintira ‘na ralla…Chiddhu cchi però, non volera ‘ma passa inosservatu e, cchi a dira ‘a verità, fu n’argomentu cchi si nda parrau pocu duranta ‘a campagna elettorala è ca nt’e fabbrichi, no a Montecitoriu, nt’a l’Acciaierii, no nt’e l’uffici ‘e Confindustria, nt’e Cantieri, no nt’e l’uffici d’e Sindacati si continua a morira ppe’ pochi sordi u misa. Allora, eu fazzu na proposta: datu ca u risparmiu meu si non pagu l’ICI ppe’ ‘a prima casa, è de 14 centesimi u jornu, ( mi fici i cunti), non fussera cchjù igienicu si, invecia ‘ma ni jèttanu fumu nt’a l’occhj si dedicheranu a  la sicurezza subbra i posti ‘e lavoru?